Kaliisoliiso wa gavument wakunoonyereza ku byava mu kubala abantu ebikyamu
Kaliisoliiso wa gavument Betty Namisango Kamya, ategeezeza nga bwebagenda okunoonyereza ku kitongole ky’ebibalo mu ggwanga ki Uganda Bureau of Statistics kwebyo ebitankanibwa ebyava mu kubala abantu okwakakomekkerezebwa.
Ono agamba singa kizuulibwa nga waaliwo obulagajjavu oba obulyake bwona bano bakuvunaanibwa kuba ensimbi y’omuwi w’omusolo mpitirivu eyateekebwa mu nteekateeka eno.
Okwogera bino Namisango abadde alambulula amakulu agali mu lunaku lwa OMBUDS day, olugendereddwamu okussaawo enkolagana ennungamu wakati w’abakozi ba gavumenti ne bannayuganda.