E Luwero waliwo amasomero ge bakwatidde ebyava mu bya PLE
Abayizi 264 mu district y’e Luwero ne gyebuli eno tebannaba kumanya byavudde mu bigezo byabwe eby’ekyomusanvu eby’omwaka oguwedde oluvanyuma lw’ekitongole ki UNEB okubikwata nga bateeberezebwa okuba nga baakoppa ebigezo bino. Abayizi bano bali mu masomero 4 okuli Nalongo Islamic Primary School, Bombo Parents Primary School, Rapha Primary School ne Zuhurah Education Centre Nkondo. Bazadde babayizi betwogeddeko nabo baagala abakulira amasomero babanyonyole ekyakwasizza ebyavudde mu bigezo by’abayizi baabwe.
