HENRY KATANGA: Eyakola ku mulambo gwe awadde obujulizi
Okuwa obujulizi mu musango gw'okutemula omusubuuzi Henry Katanga kuzzeemu olunaku lwa leero oluvannyuma lwa network okukutataaganya olunaku lw'eggulo. Olwaleero omusawo eyeekebejja emirambo Dr. Richard Ambayo y'abadde alombojja byeyalaba bwe baamuleetera omulambo gw'omugenzi Katanga. Ono akakasizza omulamuzi nti Katanga kituufu yafa ssasi eryamukubwa ku mutwe.