OKUGGALA BBANKA YA EFC: Abaagirimu basattira lwa looni ze baalinayo
Mu mboozi yaffe esooka tukutuusaako abasomesa abalaajana olw’ensimbi ze beewola mu bbanka ya EFC ezibafuukidde akayinja mu ngatto. Bano bank ya Uganda enkulu bwe yaggala bbanka ya EFC mu January w’omwaka guno baali bafunye essuubi nti egenda kugonjoola bwe bayita obunyazi bwa banka ya EFC kyokka bagamba kye baasuubira ate ssi bwe kiri kuba ne bank enkulu tevuddeeyo ku bannyonnyola okuggyako okubasindikira bawannyondo okubabanja. Bali mu kutya okutwala emisingo gye baateekayo okwewola ensimbi.