OKWESIMBAWO MU MASOMERO: Ab’ebyenjigiriza; kusize ensigo y’enguzi
Waliwo abazadde abalaze obweraliikirivu olw'Eby'obufuzi eby'okukozesa ssente mu kulonda abakulembeze okutandika okweyolekera mu masomero ga pulayimale ne Siniya. Ensangi zino abayizi abeesimbawo balabibwa nga bayiwa ssente mu kulonda kuno omuli n'okupangisa emmotoka ezebbeeyi okulaga bayizi bannabwe nti be balina embavu okubankulembera. Kati waliwo abazadde n'abasomesa abasabye ministry ye byenjigiriza eveeyo n'etteeka erirambika eby'okulonda abakulembeze b'abayizi mu masomero okwewala ebiyinza okuddirira.