Banna NRM mu Kawempe North basimbidde ekkuuli okulondebwa kwa munnaabwe Faridah Nambi
Abamu kubannakibiina ki National Resistance Movement, ababadde b’egwanyiza okukwatira ekibiina bendera ku ekifo ky’omubaka wa Kawempe North basimbidde ekkuuli okulondebwa kwa Faridah Nambi. Faridah Nambi nga yavuganyako ku kifo ky’omubaka wa Kampala ku kaadi ya NRM okulonda okwaggwa yaweereddwa kaadi y’ekibiina kino avuganye n’ab’ebibiina abirala abanaaletebwa ku kifo ky’omubaka wa Kawempe North. Yye Hanifah Karadi omu kubabadde beegwanyiza okukwatira NRM bendera, awakanyiza enkola eyayitiddwamu okugaba kaadi eno era n’awera nga bwagenda okwesimbawo kubwa nnamunigina. Kyo ekibiina ki NUP ab’egwanyiza kaadi yakyo ku ekifo kino batandise okusunsulwamu.
