Eyali Nnankulu wa KCCA Dorothy Kisaka ne banne bakkiriziddwa okweyimirirwa
Kkooti esookerwako e Kasangati ekkirizza eyali Nankulu w’ekibuga Kampala Dorothy Kisaka, n’eyali omumyuka we David Luyimbazi kko n’eyali akulira eby’obulamu mu kitongole kino Dr. Daniel Okello okweyimiriwa.
Bano balagiddwa okusasula ensimbi obukadde butaano ez’obuliwo buli omu ate ababeeyimiridde obukadde kikumi obutali bwabuliwo. Bano babadde ku alimanda e Luzira, gyebasindikibwa ku misango gy’obulagajjavu obwaviirako abantu abasukka mu 35 okufiira obulamu bwabwe bwebaabutikirwa kasasiro e Kiteezi.
