Nnankulu wa KCCA ne banne bagobeddwa lwa njega ya kasasiro eyagwa e Kiteezi
Omukulembeze w’eggwanga Yoweri Kaguta Museveni akawungeezi ka leero agobye abakulu ba KCCA nga abalanga kudibya nkwata ya Kasasiro e Kiteezi ekyaviirako abantu abasoba mu 35 okuffa kasasiro bweyababikka. Abagobeddwa kuliko abadde akulira oludda lw’ekikugu mu KCCA muyite Executive Director Dorothy Kisaka, abadde omumyuka we Eng. David Luyimbaazi, kko n’akulira eby’obulamu Dr. Daniel Okello. Loodi Meeya wa Kampala agambye nti bano bagwana kusibira Luzira.
