Ekitta-bawala e Nangabo:Ow’emyaka 6 attiddwa, abalala 2 nabo bafu
Abatuuze ku kyalo Lubatu Kabaganda mu ggombolola y'e Nangabo mu town council ye Kasangati batandise okusula nga bakukunadde nga lumonde mu kikata olw'ettemu eritandise okukolebwa ku baana abawala abato. Okuva ku nkomerero y'omwaka oguwedde okutuusa kati, waliwo abaana basatu abaakattibwa mu ngeri y'emu ate nga bonna tebasukka myaka 8. Olunaku lweggulo Jorin Namatovu ow'emyaka 8, yagudde mu mikono gy'abantu bano abaamusobezzaako nebamumiza omusu.