Kisaka ne banne bakkiriziddwa okweyimirirwa, abawagizi baabwe bafudde essanyu
Kkooti esookerwako e Kasangati ekkirizza eyali nnankulu wa KCCA Dorothy Kisaka omumyuka we David Luyimbazi, neyali akulira ebyobulamu mu kitongole kino Dr. Daniel Okello, okweyimiriwa. Abasatu bano bali ku misango gy’obulagajjavu n’okutta abantu mu butali bugenderevu nga gyekuusa ku njega ye Kiteezi eyafiiramu abantu abasukka mu asatu. Abasatu balagiddwa okusasula akakalu ka bukadde butaano ez’obuliwo so ng’ababeeyimiridde buli omu alagiddwa okusasula obukadde kikumi ezitali zabuliwo.
