Mu dwaliro ly’e Mpumudde abakazi b’embuto basooka kukima mazzi
Waliwo obweraliikirivu mu bakyala abazaalira ku ddwaliro lya gavumenti erya Mpummudde Health III oluvannyuma lw'abakulira eby'obulamu mu kitundu kino okulemererwa okuliteekamu amazzi ekibakaluubiriza bwebaatuuka okuzaalisa abakazi. Embeera eno ereetera abasawo okutuma abakyala abeeteekerateekera okuzaala amazzi nga tebanayingira kasenge webazaalira. Kyokka amazzi gano webagakima, kidiba ekiwedde emirimu nga n'abalunzi ku kyalo mwe banyweseesza ensolo zaabwe.
