Ababaka ba palamenti balambudde obutale bwa KCCA
Akakiiko ka palamenti akavunaanyizibwa ku nsonga z’obwa pulezidenti ka Presidential affairs committee, olwaleero kabitaddemu engatto nekalambula obutale bwa KCCA obwenjawulo okulaba embeera gyebulimu n’abasuubuzi ababukoleramu. Eno gyebazuulidde, ng’obutale buno bwebujuddemu omugotteko, kasasiro, nga n’ekisinze okubamalako eby’ewungula be basuubuzi b’omukatale ka Owino, abakyakaaba olw’amazzi agabatwalira emmaali yabwe olw’emyala mu kifo kino okugyiziba. Bano bagumizza abasuubuzi nga bwebagenda okwanjulira palamenti ebizibu byebabategeezeza bisobole okusalirwa amagezi.
