Kkooti egamba Amos Lugoloobi alina emisango gy’okwanukula
Kooti ewozesa abakenuzi eyise minisita omubeezi ow’ebyensimbi Amos Lugoloobi okulabikako mu buntu anyonyole engeri amabaati agaalina okugenda e Karamoja ate bwegaasibira e Kayunga mu Ntenjeru North. Omulamuzi wa kooti eno Jane Okuo Kajuga agambye nti bweyeetegerezza obujulizi bwonna obuleeteddwa oludda oluwaabi, n’akakasa nti minisita Lugoloobi omusango ogumuvunaanwa gulimu ekinyusi kale ng’agwana kwewozaako. Kati minisita asuubirwa okulabikako mu kooti eno nga 15th ne nga 28th January omwaka ogujja abitebye.
