SSENTE Z’OMUWI W’OMUSOLO : Kaliisoliiso akutte ateekerateekera e kibuga Fortportal
Ateekerateekera ekibuga Fortportal oba City Clerk Moses Otimong agombeddwamu obwala abakungu okuva mu woofiisi ya Kaliisoliiso wa gavumenti nga ateeberezebwa okwenyigira mu mivuyo gy’obulyake n’okukozesa obubi woofiisi ye.Kino kiddiridde abatuuze okulumiriza City Clerk ono mu lwatu ku bulyake obwenjawulo ku kisaawe ky’e Booma mu kibuga ky’e Fort Portal. Woofiisi ya Kaliisoliiso etegeezezza nti yatandisewo enkola empya ey’okulwanyisa obulyake nga eyita mu kuwuliriza ensonga nga eziggya mu bantu ba wansi.
