KATIKKIRO AKUNGUBAGIDDE ABADDE KAGGO: Amutenze olw'obukozi n'obuwulizi eri Namulondo
Katikkiro Charles Peter Mayiga atenderezza obuwulize n’okwewayo kw’abadde Kaggo Kati omugenzi Owek, Agnes Nakibirige eyafa ku lw’okutaano lwa sabiiti ewedde. Katikkiro agambye nti ono abadde mujjumbize mu kutumbula enkulaakulana mu kitundu kye , newankubadde nga yali anyoomeddwa olw’okubeera omukyala. Okwogera bino katikkiro abadde mu maka g’omugenzi e Gayaza Bulamu, okukubagiza ab’enju eno n’ab’ekika ky’engeye omugenzi mwabadde akola nga omuwi w’amagezi.
