Akalulu k’okulonda kwa Kawempe North kakubwa nga 13 March
Akakiiko k'ebyokulonda kalabudde abasuubira okwegwanyiza ekifo ky'omubaka wa Kawempe North mu palamenti okwewala ebikolwa eby'efujjo ebiyinza okutaataaganya akalulu kano. Abagenda okwenyigira mu kalulu kano balabuddwa ku ky'okukola kakuyege kampeyini mu bifo eby'olukale ng'obutale, enguudo n'ebibangirizi ebiriraanye nguudo. Bino bibadde mu nsinsikano yakakiiko k’ebyokulonda n’abakulembeze b’e Kawempe North mu kaseera kano nga akakiiko kagenda okutekateeka okulonda okwokujjuza ekifo kyeyali omubaka w’ekitundu kino Muhammad Ssegirinya eyafa gye buvuddeko.
