ENKALU KU TTAKA E BUKOMANSIMBI: Kkooti eriko ebiragiro by’eyisizza eri RDC ne Ssentebe
Kkooti enkulu e Masaka eyisizza ekiragiro ekiyimiriza ssentebe wa district y’e Bukomansimbi Fred Nyenje Kayiira wamu n’omumyuka w’omubaka wa president ebuuyi eyo Fred Kalema Pax okweyingiza mu nsonga z’ettaka erikaayanirwa omutabuzi w’eddagala ly’ekinnansi David Ssenfuka n’abatuuze ku kyalo Budde. Ssenfuka okukuba abakulu bano mu kkooti yabalanga kukuma muliro mu bantu nebabajemeesa okumusasula obusuulu ku ttaka ye ly’agamba nti lirye.
