Masindi: Abayizi be bakedde okugoba ffiizi, bataasiddwa bakulembeze
E Kiryandongo waliwo abayizi ba Siniya ey'okuna ku ssomero lya Kibanda Secondary School ababuzeeko katono okulemesebwa okutuula ebigezo byabwe ebyakamalirizo oluvannyuma lw'omukulu w'essomero lino okubagoba badde awaka okutuusa nga bamazeeyo ffiizi. Bano beekubidde enduulu eri wofiisi ya RDC w'ekitundu era nga y’akwasaganyizza abakulu abalala mu disitulikiti eno omuli n'akulira ebyenjigiriza okusobola okuyamba abayizi bano okutuula ebigezo.