Obunkenke e Bugerere: Bamenye woofiisi ku mbuga y’essaza, poliisi yeddizza ebyokwerinda
Poliiisi mu bitundu bye Kayunga y’eddizza obukuumi bw’ekitebe ky’essaza lya Bugerere oluvannyuma lw’abavubuka okuva mu Bukama bw’abanyara okumenya ekimu ku bizimbe ebisangibwa ku kitebe kino omubadde mutuula DPC w’amakomera mu kitundu kino . Abavubuka bano balumiriza nti ekifo kino kiri mu bukama bwa banyara era babadde balina ekigendererwa ky’okutandika okukikozesa nga babadde bataddewo ne tenti okutuulizaamu era olukiiko lw’abakulembeze baabwe . Embeera ebadde yabunkenke ng’abamu ku bavubuka baggyibwa mu kifo kino.